O se saunoaga a le sa avea muamua ma palemia o niu sila o Jim Bolger i le aso ananafi i se finauga sa faia i le palemene na ia faailoa ai e ao ona faalautele finagalo o tagata ma ia tagai i le itu o le avea o niu sila ma atunuu e filifilia e tagata ona taitai ma e tele se sao o tagata i le faigamalo(republic) ma ua alaga tatau foi ona silasila i le tuufaatasia ma le pasefika i se ituaiga sikaili e faapei o le Iuni a Europa. Fai mai Bolger e tatau ona tagai i le ata lautele ae le nao o le faavae o niu sila. Na ia taua foi afai o niu sila se tasi o vaipanoa filemu o le lalolagi ua alaga tatau la ona faaaofia ai ma atumotu tuaoi mai le pasefika ma ia faia e pei o le iuni a europa. O le faamatalaga a Bolger na ia faailoa e nao ia le palemia o niu sila na talanoa i le tupu tamaitai i le avea ai o niu sila ma atunuu e filifili e tagata ona taitai. I se tali atu a leisi foi sui sa avea ma sui palemia muamua o Michael Cullen na ia faailoa afai e ao ona fai faapea niu sila ua tatau loa ona gaioi iai i le taimi nei ae le o le faatali. Taua e Cullen e leai la se uiga e toe faatalitali ai fua sei tuumalo le tupu tamaitai ona fai lea o lea tulaga aua afai ae tulai mai se faaletonu ia Elisapeta e mautinoa o le a avea pelenise Salesa ma tupu ma e ao ai ona agai niu sila i le tulafono e aveesea ai le tofiga ae sei faatino lea manaoga i le atunuu. O ia finagalo na faalia i se finauga (debate) i le palemene i le aso ananafi.