O loo iai le faamoemoe e toatele ni au matamata o le a toso atu i le taaloga a Canterbury ma Bay of Plenty i le po ananei ona o le fia maimoaina o se taalo a le alii samoa o Sonny Bill Williams lea ua lau le igoa i le lisi o le au faaleoleo a Canterbury mo le po ananei. Ua fai si leva o talitali le toatele e fia maimoaina se tulaga o le taumafai a Sonny i le lakapi i niu sila nei aemaise i lana kalapu o loo iai  peitai e lei mafai ona faataalo i isi taaloga muamua ona o manuaga. O Christchurch e fai ai le taaloga ma o le uluai taaloga lea a Williams pe afai e momoe i totonu o le malae i le po ananei.