O le matautia o faiga a le natura e ofo ai le toatele aemaise lava i taimi o faafitauli ma faalavelave faafuasei e tutupu mai le soifua, o se tulaga foi e lagona ai le ofo tele ona o le ofoofogia o foafoaga a le Atua, atonu o se manatu faapea e oo i nisi pe a faafofoga i le galuega lelei ua faatino e nisi o talavou i le faaitu lea o Christchurch e ala i le faaaogaina o le upega o fesootaiga o le facebook. O se tasi o tamaititi aoga i le iuniveisite i Canterbury sa ia amataina se itulau i luga o le facebook talosagaina ai soo se talavou e fia fesoasoani i Christchurch ina ia resitala ane ai. E oo mai i le taimi nei e silia ma le 5 afe tama ma teine na tali ane i lenei valaau ma ua vaaia ai le toatele o talavou ma meafaigaluega o loo faamama ai le aai ma vaega o fale o nai aiga na matua aafia tele. O se tulaga ua faateia ai le toatele ma faafetaia ai foi e le pulega a le aai ma aiga taitasi le fesoasoani tele a nai nei alo o le atunuu i le taimi ua matua manaomia ai le fesoasoani e tagata uma