Ao faaauau pea ona vaaia le faaleagaina ma le toulu o le tele o fale i totonu o Christchurch mai le mafuie tele na aafia ai, ua fesiligia nei e nisi le malosi o le fale tele o le atunuu e pei ona silafia o le Sky Tower. Atonu o le tele o finagalo ma manatu o tagata e agai i lemataupu lea ina ua tulai mai le faaletonu i Christchurch peitai i se lipoti o loo taua ai i le taeao nei e faapea e fai lava si malosi o le faavae o le Sky Tower ma a fua foi i le malosi o le mafuie na afaina ai Christchurch e tamate e nisi e le tele sona aafiaga i le skycity peitai e masalomia o se mafuie e oo lona malosi i le iva o le a matua aafia ai lea fale tele. E iai taimi na tapunia ai le sky tower ona o taimi o afa ma tulaga na lamatia ai peitai e seasea ona faia lea faaiuga e pei ona molimauina le tumutumu pea i aso taitasi.Ui i lea e manatu nisi e sili lava le puipuia i lo le togafitia ma e ao lava ona agai mamao ese mai ma fale tetele i le taimi e lulu ai mafuie.