O le tulaga faaletonu i totonu o christchurch state of emergency ua toe faaumiumi atu i le aoauli o le aso lulu o le vaiaso nei e pei ona faailoa mai. Ua iai nisi o ata ua tuuina i luga o upega o fesootaiga o fale ua matua faaleagaina ma nisi o pisinisi ua faaleagaina foi talu ai le malosi o le mafuie. O le ogatotonu lava ia o le aai o loo faasa ona uia e se tasi ona o le tulaga faaletonu ma lamatia ai le soifua i nisi o fale tuai o loo iai. E silia ma le 500 fale ua faaleagaina ma e ono tuu i lalo ona e le toe aoga ona aumau ai nisi.Ei lalo ifo o le 4 afe fale ua motusia mai ai le eletise ae ua toe maua le paoa i isi fale o le atunuu. O loo tumau pea le leai o se suavai i le tele o vaega o le aai lea o loo galuule ai pea le aufaigaluega,Fautuaina foi aiga ina ia faapuna vai ao lei taumafaiina aua le saogalemu.