O aiga i niu sila nei e vaivai le tamaoaiga ma le tupe maua sei vagana lava ua faaalu le tasi vaetolu o le latou tupe maua faatoa iloa ua maua se taumafa maloloina. O le iuga o lea  o se suesuega sa faia ua iloa ai pe a ma le 40 pasene o aiga i niu sila e fia maua ni taumafa ma o nisi taimi e tau faamisi ni mea taumafa ona o le le lava o le seleni.O le autu tonu lea o se fonotaga taua o loo faagasolo i le vaiaso nei i Dunedin lea na amata i le aso ananafi. O faamaumauga na faailoa ai o se aiga i niu sila e vaivai le tamaoaiga e faaalu pe a ma le 18 pasene pe sili atu foi e faatau ai taumafa ae masani foi ona sili atu pe a taumafai e faatau ni meaai paleni ona e fai si taugata. O lona uiga afai ae faamamaluina le siitaga o le Gst ua atili faigata ai ona faatau se aiga maloloina.