E foliga mai ua faasolosolo ina maualalo le tulaga o iunivesite a niu sila i le faatulagana o le lisi o iunivesite ma aoga maualuluga i le lalolagi. O le iunivesite a Aukilani lea sa muamua i iunivesite uma i le atunuu i le tulaga 61 i iunivesite uma o le lalolagi ao lea ua see ane nei i le 68. O Otago o loo faatulaga i le 135,Canterbury i le 189, Victoria e 225 ma Massey o loo lona 302.O faamaumauga ia o loo iloa ai le sili mamao o iunivesite i Ausetalia i le lisi lea faatusa mai i niusila nei. Faaalia se finagalo o le iunivesite i Aukilani o loo lelei lava lona tulaga i faiga faavaomalo pe a faatusa atu i le tetele o seleni o loo faaagaga e atunuu e tetele o le lalolagi e faaleleia ai a latou iunivesite. O le iunivesite a Cambridge i Peretania lea e sili i le faatulagana, tulaga lua ai Harvard ma Yale i le malo tele o Amerika.