O se tina e 21 tausaga ma sana pepe e 15 masina ma leisi ona tei e 6 tausaga na semanu e maliliu i le afi na sasao ane i lo latou fale i le po anapo i le pitonuu lea o Whanganui. O lea lipoti o loo faailoa o se tasi alii na agai ane i lo latou fale ina ua manava galuega i le tea o le lua i le vaveao analeila. O ia tonu lea sa fai ma Samaria Agalelei i si aiga lea ina ua ia taumafai malosi e fafagu i luga le tina ma lana fanau e o ese mai ma le fale. Sa fesoasoani sia alii i le aveesea mai o le aiga i se nofoaga saogalemu talia ai le taunuu atu o leoleo ma le fuimu.Faaleagaina isi vaega o le fale ae na semanu le vave o gaioiga a le fuimu na alai ona faamuta. O le taimi nei o loo faia suesuega ma o loo fia iloa foi e leoleo soo se tasi e silafia ni faamatala i le mataupu lea ina ia fesoasoani ane .