E fai si tele o le galuega o le a faia i le falemai i Whakatane ina ua maua le seleni o le a faatino ai mai le 65 miliona ua faamatuu atu nei iai e le malo. O le minisita o le matagaluega o le soifua maloloina o Tony Ryall sa ia faaalia o le tupe lenei ua faaemoemo atu ai ma le moli meamata ina ia amata loa galuega o lenei foi fuafuaga aua le tautuaina o le mamalu o le atunuu i ia foi pitonuu. O le a iai seisi vaega fou mo fesoasoani faavavave, lua potu mo taotoga aemaise foi nofoaga mo le faata. O le taunuu mai o le tau vevela i le atunuu e le taumate o le a amata tonu ai lea galuega tele e ono maua ai ni avanoa faigaluega se 80.