Ua see atu nei i le 16 le aofai o tagata ua maliliu i le swine flu i Niu Sila nei talu le tau malulu. O leisi toa 14 o tagata o loo i vaega tigaina o maota gasegase. O le sui faatonu o le vaega o le soifua maloloina lautele Darren Hunt sa ia faaalia o le numera lava ia o tagata aafia i le swine flu ua faaitiitia peitai o loo iai lava nisi gasegase tigaina ua aliae. E taua le faia pea o togafitiga ma siaki agai i le maota gasegase mo ni tulaga e ono puipuia mai ai mai le swine flu. E oo mai i le aoauli o le aso ananafi na faailoa ai ua 631 tagata ua faataotolia i le faamai lea ma o auga e aofia ai le maualuga o le fiva, tiga le ulu, tale, tiga le faaai ma vaivai le tino