E le o toe mamao se taimi ona faamamaluinalea o se tulafono fou, ole a le toe mafai ai ona faatauina atu I faleoloa laiti, poo dairies ni ava malosi, talu ai se faaiuga a le faamasinoga maualauga.  Ole tausaga na tea nei, taofia ai ise faatonuga mai le faamasinoga maualuga I Kalaiasetete, le toe faafouina lea o laisene pisinisi a se tasi o faleoloa e faatauina  ai le ava malosi, ma e tatau ona toe faatulaga lenei faleoloa, ua na ose tamai faleoloa poo se dairy, ae le o se fale e faatau ai ni ava malosi.  Taua e se tasi o sui o le pulega o le ava malosi i Kalaiasetete, o Paul Rogers, o le uiga o lenei faaiuga, o le a toe faamalosia ai le faatauina na o oloa laiti I faleoloa laiti, ae taatia le faatauina o ava malosi I faleoloa e pei o Supa Maketi, faapea faleoloa ua faia faapitoa e faatauina ai na o ava malosi, ma sikaleti, ma ole a na o nei pisinisi o le a mafai ona faia ni a latou laisene, e faatagaina ai ona faatauina le ava malosi.