O se tasi sa avea ma palemia o Niu Sila I se faigamalo a le National lea ua faailoa mai nei lona aafia ai I ni fuafuaga a se pisinisi mai Saina, e faatauina ai nisi o aseta I le itu tau Dairy I totonu o le atunuu.  O le tamaitai o Jenny Shipley lea sa avea ma palemia o Niu Sila I tausaga ua mavae, sa latou faatuina se kamupani ua faaigoaina ole New Zealand Pure and Natural, ile 2004 ma le alii fai pisinisi o Jack Chen.  Na toe faamavae lenei alii o Chen mulimuli, peitai faatoa aveesea nisi o ana sea I lea kamupani, ile masina na tea nei.  O se suesuega a le Nusipepa ole New Zealand Herald, lea na taua ai, se tasi o faletupe mai Saina lea ua faamaonia lo latou faatupeina o lenei faamoemoe, oloo galue ai foi Sipley I le taimi nei.  Ole 2008, na avea ai Shipley ma se tasi o faatonu o lenei faletupe, ole China Construction Bank.