O le afioga a le alii palemia o samoa o Tuilaepa Sailele Malielegaoi sa saunoa i le saunoaga autu o le faalauiloaina aloaia o masini e mafai ona gaosia ai le Tiso mai le suau’u popo e maua ai le ‘eletise e ola ai afi o ta’avale, va’a-fogata, va’a-la’upasese, va’alele, afi tetele e gaosi ai le ‘eletise (generators) ma masini gaosi oloa e pei ona faataunuu ai se sauniga i Samoa i le vaiaso nei.Faaalia e le alii palemia ua matauina pea le siisii i luga o le tau o le kiso, penisini, ma le karasini o lo’o maua mai i le manava o le ‘ele’ele (fossil fuels). Pe a fa’atusatusa i le tiso na fa’aaogaina i Samoa i le 2004, e $32 miliona talā le tau. Ae i le 2008 ua $84 miliona le tau, toeitiiti fa’atoluina le taugatā. I seisi vaega o lana lauga na ia faaalila ai o le diesel o lo’o ua maua nei mai i le suāu’u popo e mamā. O lona uiga, o le a faaitiitia kasa oona e afua mai lona fa’aogāina e lē so’ona a’afia ai le ‘ea ma le siosiomaga. Faamatala e le palemia Pei ona silafia o kasa oona mai le tiso palapalā o loo tatou fa’aaoga nei o loo faapogai ai suiga Tetele matuiā o le tau.E nao le 3 ta’avale e gafatia i le diesel ua maua mo se faataitaiga, ona o le aofai (capacity) o litres e gaosia mai i le masini ua i ai nei, ua na o le 200 litres. O le faamoemoe mo le lumanai, e oka se masini telē e faaaogā e le aufai-pisinisi ina ia lava ai le supply mo le atunu’u atoa.O loo i ai foi se fuafuaga e fausia se fale suesue fou (research complex) o la Faalapotopotoga o Suesuega Fa’asaienisi a Samoa, e faatino ai auaunaga i le atunuu mo le lumanai.