I se fesoasoani a le asosi o le au tusitala a Samoa poo le Jaws ua mafai ai ona auina atu i le atunuu se vaega o tagata faapitoa le latou fesoasoani mo le au tusitala i le maea ai o le galulolo na aafia ai le atunuu. O lea aumalaga o loo taitai atu e le alii pule ma le faatonu o le Dart Center Australasia o Cait Mcmahon( faamautu i Ausetalia ma le atu asia) atoa ai ma se tasi o alii faasalalau ua loa tausaga i le galuega o Jon Stephenson, o se tusitala i Niu Sila nei .Sa molimauina e le au faasalalau mai atunuu i fafo le galuega taua na faatino e le au faasalalau a Samoa i le aso tonu sa lapataia a ii le galuloo ma aafia ai le atu Aleipata .I se faamatalaga a Jon Stephenson na faia i lea mataupu na ia faaalia ai e faigata ona nofo i Aukilani nei o le aai aupito i tele i le atu polenisia ma le faalogoina se agaga faateia i le faalavelve ua tulai ma ii Samoa mae o leisi lea itu e faataua ai le sao o le au tusitala ma le au faasalalau ona o nisi sa aafia foi ma maumau aiga i le galulolo peitai sa faatino pea le galuega o le lipotia mai o mea o loo tutupu. O le autu o lea faigamalaga o le ofoina lea o le lagolago ma le fesoasoani i le au tusitala i taimi pagatia e faatatau i le faatinoina o a latou galuega ma mea foi o manaomia ai le fesoasoani.