Na maua lelei i mea faalogo a leoleo sa faapipii i lo latou fale le taumafai o le ulugalii mai le itu i sauté nei o Aukilani e aoao le la tama matua ina ia tali faalelei i fesili e fesiligia ai o ia e leoleo. O le ulugalii lea o loo molia i le maliu o le la pepe teine e nao le 11 vaiaso le matua o Tahani Mohammed ona o manuaga tuga i lona ulu lea na uma ai lona ola i le falemai i le masina o Tesema 2007. O le ulugalii lea mai aferika i sauté ma e nonofo i Otahu na faalogologo lelei leoleo i le la aoaiina o leisi a la tama ina ia faafiti i le faamasinoga pe a fesiligia i lea mataupu.O le toalua lea e 31 ma le 26 tausaga le matutua ma o loo molia le tama o le pepe o Azees i le fasioti tagata ma le faaoollima i leteineititi faapea foi ona molia ai le tina o le pepe i le le mafai ona saunia se olaga lelei mo si alualutoto.O le faamasinoga i le aso ananafi i le faamasinoga maualuga i Aukilani na faailoa ai ia faamatalaga lea na maua na taumafai ai foi e aoai leisi a la tama i ana tali e fai pe a suesueina e leoleo. O loo faauau pea lea mataupu i le faamasinoga.