E manatu le teineititi 10 tausaga o Abbey Wultzer e toe fia foi i Samoa ma si ona tina e fesoasoani i le toe fausia o fale na afaina i le galulolo i si o tatou atunuu. O le vaiaso nei ua malaga ane ai sui o le matagaluega o puipuiga a niu sila atoa ai ma le aoga a Abbey e foaiina le faailoga taualoa e faailoa ai lona lototele ma le toa i le taimi o le galulolo na mafai ai ona faasaoina isi tulisi sa o latou iai faatasi i le nofoaga o le Litia Sini Beach Fales i Lalomanu i le taimi na aafia a ii le galulolo. O le tali lea a Abbey sa fai ane i le au tusitala ina ua fesiligia pe ono toe fia foi i Samoa. E anoanoai meaalofa ma tusi faalaeiau mo Abbey sa tuuina ane mai ana uo ma tagata foi i lea faaitu ona o le galuega lelei a lenei teintiti sa faia. O le malamalama lelei o Abbey i a latou aoaoga sa faia e faatatau i mafuie ma galulolo ua fesoasoani tele lea i lona maitauina o le faalavelave o le a tupu ma vave loa ona momoe i nofoaga saogalemu.