O loo faia suesuega a le ofisa o le soifua maloloina i Canterbury, i se tulaga o loo masalomia e foliga e lē o aoga le tui lea o loo faaaoga mo le misela, ona ua toe sasao tele a‘e lea faamai pipisi i le fanau talavou. Na ta‘ua e le sui o le soifua maloloina a Canterbury, Dr Ramon Pink i le aso ananafi, e 21 le aofai o nisi ua faamaonia mai le aafia i le misela i totonu lava o lo latou faaitu. O le toaono o na tagata ua aafia, sa matua atoatoa lelei le faiga o o latou tui puipui, ae o le toatolu o isi sa tuuina atu i ai se tasi o tui mai tui e lua ia faia a o faagasolo ni puipuiga i lea ma‘i. O loo faamaeaea lelei la suesuega i le taimi nei, poo atoa lelei le aofai o tui sa tatau ona tuuina atu i nei tagata ua aaafia.